SIR 2026-a appeal thehlut mi 10 te dilna hnawl a ni
Special Intensive Revision (SIR) 2026 neih zawh takah khan Final Electoral Roll atanga hming paih tak te tan Electoral Roll-a luh leh dilna (appeal) hi Final Electoral Roll tarchhuah atanga ni 15 chhungin Electoral Registration Officer (ERO) te hnenah thehluh theih a ni a. Hemi chhung hian Serchhip District-ah mi 10 ten dilna (appeal) thehlutin heng te hi 26-Serchhip (ST) Assembly Constituency atangin mi 5 leh 28-Hrangturzo (ST) Assembly Constituency atangin mi 5 an ni a. Electoral Roll-a luh leh dilna (appeal) an thlen chungchangah hian Serchhip District Election Officer (DEO) Paul L. Khuma chuan nimin khan a Pisa-ah heng dilna thehluttute hi ko in Hearing neih a ni a, ‘Electoral Roll-a awm leh thei an ni em?’ tih enfiah a nih hnuin diltu mi 10-te hi dan anga khua leh tuia chhiar theih an nih loh vangin an vai hian paih zui an ni ta vek a ni.