Khawlailung leh Hmunzawl inkar Tuichang lui a chesual-a tui-a tla Zoramchhana chu nimin thleng khan mi tlawmngai ten zawngin hmuh ala ni lo. Khawlailung khuaa cheng kum 39-a upa Zoramchhana S/o Lalchawimawia hi Inrinni khan Hmunzawl-a dah tur Cement phur in a kal a, Tuichang lui-a tuilian in lirthei tlanna a chim dan vel a enfiahna ah chesual palhin tui-ah hian a tla nia hriat a ni a, nimin thleng khan mi tlawmngai ten zawngin hmuh ala ni lo a, Vawiin lam pawh hian zawn chhunzawm leh tura ruahman a ni. Tuitla zawng hian Khaw-lailung bakah a chhehvel khaw hrang hrang atangin mi tlawmngai an thawkchhuak a, tui a len nasat avangin tuitla zawn hi a hautak hle nia thudawn a ni.
