Thenzawl-a PTS-ah Cadre Course Training neih tan a ni
Training hawnna hi PTS Thenzawl Vice Principal Zomuanpuii MPS chuan kaihruaiin Mizoram Police AIGP (Training) J. Lathafamkima MPS chuan khuallian niin a hmanpui a, Trainee-te chu an thla thum chhunga an training hun chu tha taka hmang tur leh discipline tha tak nena phunnawi lova hun hmang turin a chah a. PTS Principal Lalthakima pawhin tunlai khawvel danglam zelah leh Dan thar a lo awm zel bawk nen Police-te chu an hnathawhna kawnga an intuaihriam reng a ngai tih a sawi bawk.
Training hawnna hunah hian PTS-a Asst. Principal V. Lalduhawma MPS chuan kalkhawm te lawmna thu sawiin, Training kalpui a nih dan tur tlangpui chu Inspector Lalrimawia Ralte, Chief Drill Instructor leh SI John Zohmingthanga, Chief Law Instructor-ten an sawifiah bawk a. He Cadre Course Training-ah hian Mizoram Police Unit hrang hrang – MAP, IR Battalion leh Security Unit atangin mi 260 chuang telin SUO-ah 85, JUO-ah 98 leh PC-ah mi 79 te an ni.
Cadre Course Training hi thla thum chhung kalpui tur niin hemi chhung hian tunhnaia Syllabus siam thar chu hman a ni dawn a, Police mi leh sa duty mekte’n kawng tinreng - Thiamna, Practical Skills, Leadership, Discipline leh Physical fitness-ah hma an sawn zawk theihna tur thilte belh a nih bakah India ram Dan thar berte telh belha buatsaih a ni a. Field experience-te in-share tawnin, an inzirtawn an hman a ni ang.