District ten FSL intawm turin ruahman

Home Minister K. Sapdanga chuan Forensic Science Laboratory (FSL) chu Mizoram chhunga District 10-te hmun thuma thena an intawm zel turin siam tum a nih thu a sawi. Assembly thutkhawm neih zawh takah zawhna chhangin Home Minister K. Sapdanga chuan MINECO-a Forensic Science Laboratory Directorate Office bakah District Mobile Forensic Unit (DMFU) chu District pathum- Aizawl, Lunglei leh Cham-phai-ah te din a ni tawh tih a sawi a. Forensic Science Laboratory chu Mizoram chhunga District 10-te hmun thuma thena, an intawm zel turin siam tum anih thu leh District tinah Laboratory Van khawl dah ni mahse a khawihtu lam indaihlohna a nasa tih a sawi a, sum dinhmun thlir chungin thawktu lakbelh dan leh Laboratory din belh dan a tahtawlin ngaihtuah zel tum a nih thu a sawi bawk.