Tan In atanga tlanchhuak awm leh thin ngaihmawh thu sawi
Congress Thalaite chuan Tan In atang tlanchhuak an awm leh thìn chu an ngaimawh hle tih an sawi. Nimin-a thuchhuah an siamah MPYCC chuan tu sawrkarah pawh Jail tang tlanchhuak hi an awm thin thu leh sawrkar dinhmun atangin za-ah za inven chu a harsa ang tih a hriat theih ni mah se MNF leh ZPM Sawrkar kum reilote chhunga Jail tang tlanchhuak an tam ta lutuk leh an duh hun huna Jail tang te an tlanchhuak ta mai emaw tih tura a awm chu a pawi takzet tih an sawi a. Kum 2022 atang August 2026 chhungin Mizoram Jail hrang hrang atangin tang tlanchhuak mi 74 zet an awm thu tarlangin, “Jail tang tlanchhuak zingah pawngsual leh tualthat thubuaia tang (life convict), rukruk leh in rawk ching an nih fur avang hian ZPM sawrkar hian Mizoram mipui dinhmun him lo ah a dah mek a ni,” an ti.