Mizoram-a Kohhran hrang hrangte chuan kum danga an lo hman tawh thin angin September, 2026 chhung atan ‘Beihrual Thla’ an hmang leh tan ta a, Mizoram-a Kohhran lian ber, Presbyterian Kohhran chuan kum 1918 atanga Beihrual hi hmangin thupui hrang hrang zir thin a ni a, Hapta hmasa ber chu ‘Ramthar hapta’ atana hmangin ni 21-27 chhungin Kristian Chhungkaw Hapta an hmang leh dawn bawk a, hemi bakah hi chuan Nilai thupui Bu an hman mek an zir chhunzawm ang. Baptist Church of Mizoram (BCM) chuan Beihrual thla pual hian September 1 atanga 10 chhung hian thupui an zir dawn a, kumin hian ‘Kan hmachhawn khawvel’ tih thupui an zir dawn a ni. Kohhran dang zingah Beihrual thla hmang tur hi an awm bawk a ni.
