Directorate of Nursing rawn zirchiang
Telangana sawrkar-a Directorate of Medical Education atang hian Study team mi pathum- Health & Family Welfare Department Deputy Director S. Nagarjuna; GGH-Nagar, Kurnool Superintendent Dr. T. Usha Rani leh Secunderabad Govt. College of Nursing Principal Prof. R. Hansli te an rawn kal a, Health Minister Lalrinpuii hnenah Mizoram an rawn tlawh chhan leh an sawrkar hmalakna hrang hrangte an sawi a. Minister chuan Health & Family Welfare Department aiawhin lawmthu sawi nan hnam puan a bah tir a ni.
He Study Team hi Mizoram-a Directorate of Nursing zirchiang tura Telangana sawrkar-in an rawn tirh te an ni a. Directorate of Nursing hi Telangana State-ah pawh din tura hmalak mek a nih avangin an din theihna tura hmalakna pakhat atan leh zirchianna nei turin Mizoram-a Directorate of Nursing hi an rawn thlang a, Joint Director Lalchhanhimi kaihhruaina hnuaiah Business Session an nei nghal bawk a ni.