Serchhip-ah Inter-Departmental Sports nei mek

Serchhip Officers’ Club (SOC) buatsaihin Serchhip khawpui chhunga sawrkar Department hrang hrangte infiamna lama an inelna tur, Inter-Departmental Sports, 2026 chu neih leh mek a ni a, nimin khan Zotawna Futsal Ground-ah a hawnna hun hman niin Serchhip Bawwrhsap Paul L. khuma chuan khuallian niin a hawng a ni.

Sawrkar hnathawk te zingah thawhhona tha a awm theihna tura buatsaih thin Inter-Departmental Sports, 2026-ah hian sawrkar Department hrang hrangte chu Group 8-ah then an ni a, infiamna chi 6- Futsal, Dart Throw, Badminton, Volleyball, Table Tennis leh Shooting-ah te inelna neih tura ruahman niin a hawnna neih a nih hma hian item thenkhat ah hian inelna neih tan a lo ni tawh a, Vawiin hian zawhfel tur a ni ang.