Lok Adalat-in thubuai 66-ah inremna an siam pui

Inrinni khan ramchhung hmundang te rualin Serchhip-ah Lok Adalat thutkhawm neih a ni a, thubuai ngaihtuah tur 66 chhawpchhuah zingah 39 chu chinfel a ni.
Inrinni kalta Sept. 12, 2026 khan ramchhung hmun hrang hrangah Lok Adalat chu neih leh niin Serchhip-ah pawh District Court-ah District Legal Services Authority buat-saihin Lok Adalat thutkhawm hi neih a ni a, tun tumah hian Presiding Officer Josangzeli Tlau kaihhruaiin Bench pakhat thuin Conciliators pahnih K. Laldinpuii leh Lalrinhlua te nen thubuai ngaihtuah tura chhawpchuah 66 an ngaihtuah a, heng zinga 39-ah inremna siamin tun tuma thubuai chinfel hlut zawng hi Rs. 53,60,755/ a ni.

Tun tum Lok Adalat thutkhawm ah hian Bank Loan rulh loh kaihhnawih thubuai 44 zet chhawpchhuah niin heng zinga 26-ah inremna siam a ni a, hei hi Rs. 44,04,653/- hu a ni a, Civil case (pawisa ba, Inhmun inchuh, ramri buai leh thildang) ah thubuai 22 chhawpchhuah niin heng zingah hian 13 chu chinfel a ni bawk a, Rs. 9,26,102/- hu a ni bawk.