Ramdangmi mikhualtute tan thupek khauh zawk siam

Zonuna Kawlni (LENKAWL) • September 21, 2026 • Comments • Mizoram

Parliament-in Immigration & Foreigners Act, 2025 a siam zulzui in Mizoram-a ramdangmi mikhualtute tan thupek khauh zawk siam a ni. Protected Area Permit (PAP) leh Immigration & Foreigners Act thar kenkawh dan tur ngaihtuahtute tunhnai a thukhawm chuan Hotel pangngai, kawngkam Hotel (Motel), Homestay, Guest House, Rest House leh mikhual thlen theihna chi hrang hrang, Kohhran, Pawl leh mimal enkawl zawng zawngte tan thupek chhuahin ramdangmi mikhual neite chuan an mikhualte lo thlen atanga darkar 24 chhungin Online hmangin ‘Form-3’ ah an chanchin kimchang an thehlut tur a ni. He hian Overseas Citizen of India (OCI) passport hmangte pawh a huam vek a ni. He thupek zawm lo te chu Rs. 50,000/- chawi thlenga hrem theih an ni ang.