Rajya Sabha MP in Aizawl Press Club tlawhin MJA te a kawm
He inkawmna ah hian Rajya Sabha MP chuan MJA in Vawiin thlenga pawl zahawm tak a nihna a la kengkawh zel thei chu lawmawm a tih thu sawiin, Ram tana rawng an bawl zelna turah MJA nen thawhhona tha tak an neih zel a beisei thu leh a phak tawkah MJA member-te tan tangkaina a neih ve theih ngei a beisei thu a sawi a. Tun hma atangin ram tan enge a tih theih ang tih nasa takin a lo ngaihtuah ve tawh thin atangin tuna Mizoram in a mamawh hmasa ber nia a hriat chu kawngpui tha neih nia a hriat thu a sawi a. Hemi piah lamah hian Mizoten India ram leh khawvel hmun dangah zau zawka inphochhuah tam an mamawh thu leh Mizote danglam bikna (Uniqueness) chu an hman tangkai a, khualzin hipna atan an hman tangkai thiam a pawimawh tih a sawi bawk.
Hei bakah hian Rajya Sabha MP chuan India ram rorelna sang ber, Parliament House-a Mizoram aiawhtu MP ten Mizoram-ah Office an nei lo chu ttha lo a tih thu sawiin, Office mumal tak neih chu tul a tih thu leh Chief Minister a sawipui tawh thu bakah MP ten Quarters an nei lo pawh dik a tih loh thu sawiin, MP Quarters sak a nih theih nan Sawrkar laipui lama hmalak a tum thu a sawi bawk.