Mizoram-a sawrkar Damdawi In 122 ten damdawi In tha tehna paltlang tawh

Mizoram chhunga Sawrkar Damdawi In 122-te chu India rama Sawrkar Damdawi In tha bik tehna, NQAS-ah an tling tawh a, damdawi In 122 zinga 93 chu National Certified an ni. Assembly Fur thutkhawm zawh takah Health Minister Lalrinpuii chuan Aizawl West-III MLA VL. Zaithanzama zawhna ziaka a chhanna ah he thu hi a sawi a, Minister Lalrinpuii chuan NQAS Certificate hmu tur hian tehfung bik, National Health Systems Resource Centre, Ministry of Health & Family Welfare, New Delhi in India ram puma inang tlanga hman tur atana an siam, NQAS Checklist hmanga teh a nih thu a sawi a, NQAS chuan damdawi In quality hmasawn zelna tur atan pawisafai hamthatna (Cash Incentive) a ken tel thu a sawi bawk. Minister chuan Mizoram in State dangah MBBS quota an la nei tih sawiin Regional Institute of Medical Sciences (RIMS) Manipur-ah seat 7 an nei a, Agartala Govt. Medical College-ah seat 2 a awm thu a sawi bawk.