North East Muaythai Championship nei mek
Hmarchhak Bial tana Muaythai-a inelna, North East Regional Muaythai Championship 2026 hi Sports & Youth Services Minister Lalnghinglova Hmar chuan hawngin Muaythai chu tunlai Sports discipline thang chak berte zinga mi a ni tih sawiin, kum 28 ralta, kum 1998 Olympics Thailand-a neihah Mizoram in Muaiythai demonstration an lo neih tawh thu te, tunhnai ah 2025 Asian Youth Games-ah pawh Muaythai chu telh a nih tak thu te a sawi a, NE Region inelna hian Mizoram-a Muaythai infiamna tihhmasawn kawngah hmasawnna lian tak a thlen ngei a beisei thu te a sawi bawk.
Mizoram hian kum 2010 khan 11th National Muaythai Championship thleng tawhin Team Champion an lo ni tawh a. World Championship-ah Gold Medal 2, Silver 4, Bronze 6 leh Asian Championship-ah Gold 2, Silver 2, Bronze 2 la tawh bawkin, International Referee & Judge 3 an nei mek bawk a. Tun tuma inelna hi Vawiin hian zawhfel hman tura ruahman niin North East State hrang hrang atangin Muaythai fighter mipa leh hmeichhia thahnem tak an tel a ni.