Naupang chhawmdawlna dawng tur thlan an ni
Nimin khan Serchhip Bawrhsap Paul L. Khuma hovin District Sponsorship and Foster Care Approval Committee chu a Pisa-ah thu-khawmin naupang chhawmdawl ngai te chhawm-dawlna pek dan tur hi an ngaihtuah a. Women & Child Development hnuaia Mission Vatsalya in naupang chhawmdawlna dilna lut an chhawp-chhuah 155 zingah naupang 150 te chu chhawm-dawlna pek tura pawm an ni.
Mission Vatsalya hi sawrkar laipui hmalakna niin naupang venhim ngai leh enkawl ngaite tan hamthatna tur peng hrang hrang kalpuitu a ni a. Chung zingah chuan Sponsorship leh Foster Care hi telin sum leh pai-a naupang chhawmdawl mamawh ngawih ngawih - nu leh pa nei lo, natna khirh vei te leh harsatna khirh tak dang tawktute hnenah chhawmdawlna hi pek thin a ni a. He ruahmanna hnuaiah hian dilna thahnem tak lut thinin heng te hi District Sponsorship and Foster Care Approval Committee chuan uluk taka enfiahin chhawmdawlna dawng turte hi an thlan bakah chhawmdawlna an hman dan te an enfiah thin a ni.
Sponsorship Programme hi kum 2022 atang khan kalpui niin he ruahmanna a tanpuina dawng tura thlan te hi thla tin Rs. 4000/- a tanpui thin an ni a. A hmasa berah kum 2022 khan mi 40 thlangin kum 2023 khan tanpuina dawng tura thlan mi 54 an awm a, kum 2024-ah khan mi 125 thlan leh niin nikum khan mi 40 pawmin kumin ah mi 150 pawm leh a ni. He thutkhawm ah hian District Child Protection Officer (DCPO) R. Lalramdinmawii bakah Child Welfare Committee Chairperson, MHIP Sub-Hqrs. Serchhip President leh Protection Officer (Non-Institutional Care) te an tel a ni.