Mizoram-a sawrkar hnathawk hrang hrang inzawmkhawm, Federation of Mizoram Government Employees & Workers (FMGE&W) Executive Committee thukhawm chuan Mizoram Universal Health Care Scheme (MUHCS) chungchangah sawrkar nawr leh relin, Sawrkar hnathawk leh an chhungte damlo chu MUHCS hnuaia lut ve lo damdawi In, Non-Empanel Hospital-a luh ngaite sawrkarin reimbursement phalsak turin dil nise an ti a. Kumin October thla thlenga an dilna hi sawrkarin a phalsak loh chuan MUHCS tana an hlawh cut thin chu titawp tura hmalak nise an ti bawk.
Hei bakah hian FMGE&W chuan Sawrkar hnathawk DA pawh Central rate anga pe ve tura ngenna bawhzui zel a nih thu an tarlang a, Cabinet thutkhawmah a rang thei ang bera ngaihtuah a nih theih nan nawr chhunzawm relin, District Court Service Association in FMGE&W-a affiliation an dilna chu an pawmsak bawk.
