Ramri chungchang ah Tripura nen inbiakna nei

Mizoram leh Tripura State sawrkar-a Official-te chu kar kalta Ningani , Sept. 10, 2026 khan ramri chungchangah Agartala khawpuiah an inbia.

Mizoram leh Tripura sawrkar inbiakna hi Home Secretary-te ve ve kaihhruaina a kalpui a ni a. Agartala State Guest House-ah inbia in State pahnihte chuan a hrang ve ve a ramri hrul zirchiangtu tur Team din nise an ti a. Kimchang taka ramri dinhmun an zirchian ve ve hnuah hriat tur pawimawh leh document te fawm khawmin awmze neiin remkhawm nise an ti a. An hmuh dan chu inbiakna buatsaih leh hunah pharhin ramri a inhriatthiam lohna awmte chinfelna atan hman nise an ti. An inbiakna-ah hian ramri a inhmuhthiam lohna awmte zirchian a boruak tha taka thil tih tlan nise tih chu pawm a ni.

He inbiaka a Mizoram sawrkar aiawh palaite hi Home leh Revenue Secretary Vanlalmawia'n a hova, Home Department Joint Secretary PC. Lalduhthlanga bakah Home Department OSD leh Under Secretary C. Lalfakmawia, MIRSAC Scientist leh Border Study Group a Member ni bawk C. Vanlalengkima, Border Study Group Convener leh Government T. Romana College Assistant Professor Joseph K. Lalfakzuala leh Official dangte an tel a. Tripura palaite hi an Home Secretary Abhishek Singh an hovin DGP G.S. Rao, Revenue Secretary Milind Dharmarao Ramteke leh Revenue Additional Secretary Subhash Chandra Saha leh Official dangte an tel a ni. Inbiakna-ah hian ramri chungchanga an ngaihdan ve ve zau taka sawiho a ni.