Lai puan humhalh sawiho

Nimin khan Govt. Aizawl West College Auditorium-ah ‘Evolution of Textiles in Mizoram: A Focus on Lai Textile Heritage’ tih thupui hmangin Lai puan humhalh leh tihhmasawn chungchang-ah State Level Workshop neih a ni a, he hun hi LADC Chief Executive Member (CEM)  C. Lalsawmzuala chuan hmanpuiin Lai puan leh hnam thuam humhalh, zirchianna leh chhinchhiahna kawnga tanlak lehzual a tul thu a sawi. He hunah hian mithiam hrang hrang ten thupui thlan bik hmanga thu sawiin, hnamthuam te an entir a ni a, zirlaite mai bakah Research Scholar-te leh Lai puan humhalh leh chawilar kawnga tui mite an tel a ni.