Kolasib NCORD thukhawm
Nimin khan Kolasib-ah Bawrhsap H. Dolianbuaia hovin District Level Narco Coordination Centre (NCORD) thutkhawm neih niin he huna tarlan a nih danin Kolasib Police te chuan kumin chhung hian Heroin kg. 2.310 bakah Methamphetamine kg. 21 man a ni tawh a, ruihhlo kaihhnawih ah thubuai 12 ziaklutin mi 20 man an ni tawh a. Zu kaihhnawih thubuai 15 ziahluh niin mi 20 man an ni bawk. Nimin-a thutkhawm neih zawh a nih hnu hian Kolasib Police Station kawt-ah ruihhlo man sa tihralna hun hman niin Heroin kg 1.767 leh Methamphetamine (Yaba tablets) kg 12.5 chu halral a ni a, a vaiin cheng vbc. 13.53 hu vel niin ruihhlo man kawnga thawk thate hnenah lawmman (felicitation) hlan nghal an ni bawk.