Khau puanna hmun enfiah

Khawzawl District-a Agriculture Department Staff te chuan thla kalta August ni 7, 2026 vel atanga Khawzawl District Rabung khua Khúmzawl Zau-a Khau puang chu niminpiah khan a hmunah kalin an enfiah. Khùmzawl Zau-ah hian Khau hi Chawlhkar khatah vawihnih vel an inlar tlangpui a, boruak-ah an thlawh nuai nuai bakah thingkung leh thlai kung sang ah te an bet fur thin a, thlai erawh beih leh tihchhiat an nei lo nia sawi a ni. Khau hi thla hlui August ni 28 atang khan an reh rih a, nimin thleng khan a rawn lang leh tawh rih lo a ni. Khau puanna hmun te hi niminpiah khan Khawzawl District Agriculture Staff te chuan a hmun ah an tlawh a, loneitute kawmin thil chinchang an zawtfiah a, Khau puang venna tur damdawi an sem bawk a ni.