Serchhip P&E Veng-a cheng Vanlalhming-mawia (37) chu nizan hmasa khan Serchhip leh Keitum inkar, Sailiamkawn bulah kawng thlang ah tla palhin nimin khan a boral. Serchhip RD Block a VB-G RAM G-a Technical Assistant nilai Vanlalhmingmawia H/o Lalfakzuali hi nizan hmasa dar 1:00 vel khan Serchhip leh Keitum inkara City Light quarry bulah kawngthlang a tla palh a, Serchhip Sub-Hqrs. YMA hmalakna in Fire & Services Department-a thawktute nen hliam na tak tuarin lakchhuah a ni a, Serchhip damdawi In panpui nghal niin Aizawl lamah refer leh nghal a ni a, a dar ruh tliakin a nak ruh pathum a tliak bawk a, a hliam tuar lovin nimin chawhnu dar 1:30 vel khana boral. A ruang hi nimin khan an chenna, Serchhip RD Complex-ah lak niin lumen a nih hnuah Vawiin hian vuiliam tur a ni ang.
