Gauhati High Court Judge in Kolasib a tlawh

Zonuna Kawlni (LENKAWL) • September 12, 2026 • Comments • Mizoram

Gauhati High Court Judge leh Mizoram State Legal Services Authority (MSLSA)-a Executive Chairman Justice Nelson Sailo chuan nimin khan Kolasib tlawhin pawikhawihna tuartute zangnadawmna semna hun a hmanpui bakah Kolasib District Jail leh Court building sak mekte a enfiah.

Kolasib UD&PA Conference Hall-a Victims of Crime Compensation Scheme, 2011 semna hunah hian vanduaina tawk mi 29 te hnenah zangnadawmna Rs. 1,28,50,000 semchhuah a ni a, zangnadawmna dawngtute chu an chhungkaw mi leh an hmangaihten vanduaina an tawh avanga he zangnadawmna hi dawng an ni tih sawiin, pawisa an dawn chhan hrechiang a, tangkai taka hmang turin a dawngtute chu a chah bawk a ni.

Justice Nelson Sailo hian Kolasib District Prison and Correction Home tlawh nghalin hemi hnu hian Kolasib Project Veng-a Fast Track Court Building sak mek a hmunah a enfiah nghal bawk a ni.