Common Facility Centre hman theih dan tur sawiho

Serchhip leh Thenzawl inkar Zuangleng ram a Balhla atanga Paper, Fibre, Leitha leh Balhla Chips te siamna tur, Common Facility Centre hman theih dan tur chu nimin khan Serchhip District Bawrhsap, Paul L. Khuma hovin sawiho a ni.
Nikum October 15-a Chief Minister Lalduhoma’n a lo hawn tawh Common Facility Centre sak hna hi NECTAR Funded Project niin, Implementing Agency chu APRINS, Guwahati an ni a. Kum 99 chhung atan ram hi hawh (lease) niin nikum (2025) khan a In sak hna hi zo felin hawn a lo ni tawh a, kumin August thla khan khawl leh bungrua awm turte dahfel a ni tawh bawk a ni.

Nimin-a thutkhawm ah hian Bawrhsap Paul L. Khuma chuan he project-a mawhphurtu leh tih hlawhtlin hna thawktu ber Implementing Agency, ARPINS te chu chak taka hma la tura hrilhin, Project Monitoring Team kaltlanga chak taka enzui reng an nih tur thu a hrilh a. He hunah hian CFC-a hnathawktu tur lak chungchang te, Balhla stem lakkhawm leh farmer inhlawmkhawm dan turte, a man (rate) chungchang te, a phurh-kualna tur lirthei chungchang te, tui leh power supply changtlung tak a awm theihna turte, chak taka hnathawh a nih theih nana hmalaknate enpui a, vilzuitu tur Project Management & Monitoring Committee din dan turte leh thawhhona tha zawk a awm theih dan turte ngaihtuah a ni. He thutkhawm ah hian NECTAR leh ARPINS hotute, concerned Department hrang hrang hotute bakah Zawlpui Agro Farmer's Producer Company te an tel a ni.