Directorate of Revenue Intelligence (DRI) ten Poppy chi leh Kuhva ro an man teuh

Directorate of Revenue Intelligence (DRI) chuan Poppy chi kg. 41,697 leh kuhva ro kg. 1,2l5,000 chuang, cheng vbc. 20.31 hu a chhut bakah he thila inhnamhnawih ni a rinhlelh mi 4 chu Mizoram leh Assam-ah an man.

Champhai District Police hotute hnen atanga thudawn danin tun thla ni 23 leh ni 24 khan Champhai District a Ruantlang khua a sumdawnna thil bungraw dahkhawmna kudam pakhat an dapna-ah DRI, Champhai District Police, Assam Rifles leh Customs hnathawkte tangho chuan Myanmar atanga lakluh ni ngei a hriat Poppy chi kg. 25,440 a rit, cheng vbc. 3.81 hu a chhut chu an man a. Hemi rual hian kuhva ro kg 1,25,000 chuang manin hei hi cheng vbc. 14 hu a chhut a ni bawk.

Hemi hma September ni 22 khan DRI leh Assam Rifles tangrual chuan Mizoram atanga Assam a lut thla Truck pahnih chu Lailapur (Assam)-a a an lo dapna ah Poppy chi kg. 16,257 an lo man leh bawk a. An thil man hi cheng vbc. 2.43 hu a chhut a ni.