DC-in Dan anga hmalak tum

Lawngtlai Bawrhsap Donny Lalruatsanga chuan Deputy Commissioner, Lawngtlai hriatpuinaa pawisa khawn an awm nia sawi chungchang chu Police ten an chhui mek thu leh Dan ang taka hmalak a nih tur thu a sawi.
Nimin-a a Pisa-a thuthar theh-darhtute a kawmna ah Lawngtlai Bawrhsap chuan tunhnaia Social Media lama darh, Lawngtlai paltlanga Myanmar-a bungrua phurtute nia ngaihtheihin Deputy Commissioner, Lawngtlai hriatpuinaa pawisa lo khawn an awm nia an sawi chu engmah a hriatpui loh thu a sawi a. Lirtheia bungraw phur an ni emaw, thildang ah pawh District Administration chuan chhiah lak theihna dan a nei lo hrim hrim tih sawiin, he thilah hian amah emaw DC Office ten inhnam-hnawihna an nei lo tih a sawi a He inpuhna hi a ngaithutak hle tih sawiin, “He inpuh mualphonaa mawhphurtu zawng chhuaka an phutawk hremna lek a nih theih nan hmalak mek a ni,” a ti a. Lawngtlai Police ten ngun takin an chhui mek thu a sawi a ni.

He Video darh ah hian Myanmar-a Scooter phurlut tur nia insawi, Driver nia ngaihtheih chuan Lawngtlai bulah an motor lo tidinga, pawisa chawitir an nih thu a sawi a. Pawisa chawitirtute chuan an thil tih chu Deputy Commissioner pawhin a hriatpui tih an sawi niin a sawi a ni.