Zofate ram a nih thu sawi

Zo Reunification Organisation (ZORO) chuan tunhnaia India rama Chakma hnam hruaitu ten Bangladesh-a Chittagong Hill Tracts chu India a behtir an duh thu leh hemi chungchang hi International Court of Justice (ICJ)-ah thlen an tum thu an sawi an lo hriat thu sawiin, Chakma ten inti neitu taka an ram ang mai a Chittagong Hill Tracts an sawi ta mai chu an hrethiam lo hle tih an sawi a. “Chittagong Hill Tracts hi a ram neitu leh a luah hmasa ber tute chu Zofate kan ni a. Chittagong Hill Tracts-a British Sawrkar in bu a rawn khuar hma zawng khan zalen ram niin, tu thu hnuaiah mah awm lovin anmahni in roreltu Lal neiin an lo awm tawh,” tiin Chittagong Hill Tracts hi pi leh pu atanga Zofate ram a ni thu an sawi bawk.