MZP in Larsap hnenah thil pawimawh hrang hrang thlen
Lok Bhavan-a Larsap General (Dr) Vijay Kumar Sing an kawmna ah hian MZP General Hqrs. hruaitute chuan Mizoram in Civil Engineering(CE) seat 5 leh Electrical & Electronics Engineering(EE) seat 2 quata kan neih chungchanga buaina thlenin, Mizoram in Central pool quata a neih mek heng ah te hian Admission tih theihloh avanga buaina ah Union Education Minister, Pralhad Joshi hnenah ziaka an thlen tawh thu an sawi a. Governor chuan, Mizoramin a CE leh EE a quata neihna College Matrusi Engineering College a Admission an tih theihloh chungchang ah Union Education Minister pawh a rang lama a lo biak tur thu sawiin, zirlaite chu thlaphang lo turin a chah a ni.
India ram chhunga National Integration Tour neih theih dan tur chungchang ah MZP hian Larsap hnenah hian thlenin, Larsap chuan Mizo zirlaite tana India ramchhunga National Integration Tour neih theih ngeina tura hmalak anih tur thu leh Tour neihna tura duhna hmun te ziaka thlen turin a lo ti a. Larsap General Dr. VK Singh chuan, Zirna In hrang hrangah Drugs Awareness & Prevention Campaign neihna tura MZP in a thlen chu lawmawm a tih thu sawiin, Mizoram chhungah hian ruihhlo ti lo tura inzirtirna chu zirlai (Elementary) atanga tan a ngaih thu leh a ti mek ten chhungkua leh khawtlang an tihbuai em avanga nasa taka eng Level-ah pawh Campaign neih a ngaih thu a lo sawi bawk. Hemi chungchang hi Narcotics Crime Bureau (NCB) Director a sawipui tur thu Larsap chuan a sawi bawk a ni. Heng bakah hian Larsap ho hian MZP hruaitute hian Mizoram zirna kaihhnawih thil chi hrang hrang an sawiho bakah hun remchang hmasa berah inkawm leh nise an ti bawk.