VPD Surveillance Strengthening Workshop neih a ni
Sub-Hqrs. YMA Hall, Serchhip-a he hun hman hi Serchhip-a Deputy Chief Medical Officer, Dr. Lallawmkimi Chhak-chhuak chuan kaihruaiin Serchhip Chief Medical Officer (CMO) Dr. Lallawmpuii chuan he hun an buatsaih chhan tlangpui a tarlang a. Ser-chhip District chu Mizoram laili-a awm, tlawhpawh harsa lo leh ziak leh chhiar thiam tamna a nih thu sawiin, thawktu hrang hrangte an tanrual that chuan kawng hrang hrangah midangte entawntlak a nih theih thu a sawi bawk.
He Workshop-ah hian WHO-a Surveillance Medical Officer, Dr. Lalhlimpuii chuan an hmalakna te tarlangin, kum 1997 atangin Mizo-ram-ah WHO in hmalakna an kalpui thu leh a tirah chuan Zeng hri (Polio) chu thlur bingin hemi hnu hian Measles leh Rubella te huam lehin kum 2020 atangin natna tam zawk ah hma an lak thu a sawi a. An hmalakna hi kum 2024 atanga chuan tihtawp chhoh niin Phase thum-a tihtawp a nih thu leh Mizoram chu a Phase 3-na ah awmin nakum March thla tawp-a tihtawp a nih dawn thu a sawi bawk.
He hunah hian Serchhip District-a hri danna pek kalpui dan hrang hrangte tarlan a ni a, hri danna pek hna thawktute chu hri danna an an pek chu dan anga pe mai lovin hri danna pek a pawimawh zia hrechiang tura chah an bawk.
Nimin-a Workshop neih ah hian Serchhip District chhunga PHC/CHC leh AYUSH Hospital, Thenzawl bakah Serchhip-a Medical Officer thenkhat te bakah Community Health Officer, Health Supervisor, Health & Welness Officer, Health Worker leh Serchhip Main Centre-a VCCM bakah CMO Office-a thawktute telin chawhnu lamah hri danna pek kawnga an hmalakna hrang hrangte an thlirho nghal a ni.