VC by-election atan hming pekluhna hun tawp ta
.jfif)
State Election Commission in ruahmanna a lo siam tawh angin East Lungdar Village Council-a General Seat ruak pakhat hnawhkhat tur hian tun thla ni 20 khian by-election neih tur niin nimin tlai dar 3:00 thleng khan inthlan chuh tum te tan hming pekluh hun hi hawn a ni a, kar kalta Zirtawpni-a hming pelut mi pahnih bak hming pelut awm belh lovin heti hian he inthlanna chuh tur hian ZPM atangin F. Lalchawi-mawia leh INC atangin Vansangliana ten hming hi an pelut a, INC hi MNF Party nen an thawkdun dawn a ni.
He inthlan chuh tum-a Nomination paper thehluh te hi Vawiin hian Returning Officer kaih-hruaina hnuaiah endik a ni dawn a, tunkar Ningani (Aug. 6, 2026) tlai dar 3:00 thleng inhnuhdawhna hun hawn zui a ni dawn a ni.
He Inthlan neih tur atan hian Election Department lam pawh an inbuatsaih mek zel a, East Lungdar VC-a by-election buaipui tur hian PRO mi pathum leh Reserve-ah mi pakhat ruatin PO turin mi 6 leh Reserve tur mi pakhat ruat an ni tawh bawk a, heng mite tan hian Training la buatsaih leh tur a ni ang.