Vawiin-ah Assembly Session chhunzawm a ni dawn
Niminpiah atanga neih Assembly thut-khawm hi Vawiin chawhma dar 10:30 hian Assembly House-ah chhunzawm leh a ni anga, hun hmasa darkar khat chhung chu zawhna leh chhanna hun atana hmangin hemi hnu hian lehkha pawimawh hrang hrangte House Dawhkan-ah pharh a ni anga, Report hrang hrang thehluh a nih hnuah Assembly Committee peng hrang hranga Member te thlan/puan a ni ang. Hemi hnu hian 'Ro min rel sak ang che' tih Mizoram State Song atana hmang turin House Leader Lalduhoma chuan Official Resolution a pulut ang. Hemi hnu hian Legislative Business nei chhunzawmin ‘The Mizoram Goods & Services Tax (Second Amendment) Bill, 2026’ te; ‘The Mizoram Floodplain Zoning Bill, 2026’ te; ‘The Mizoram Industrial Area (Management, Regulation & Control) (Amendment) Bill, 2026’ leh ‘The Mizoram (Land Survey and Settlement Operation) Bill, 2026’ te chu House-ah pharhin sawiho tur a ni ang.