Mizoram tan vbc. 256.70

Union Minister of Road Transport and Highway, Nitin Gadkari chuan Mizoram hma-sawnna tur kawngpui 6 siamna tur cheng vbc. 256.70 an pawm tih a sawi. Nitin Gadkari hian Social Media account kaltlangin he thu hi a sawi a, Mizoram hmasawnna atan kawngpui 6 siamna tur cheng vbc. 256.70 an pawm tih sawiin, kawngpui hi kilometre 82.89 a thui tur a nih thu leh Central Road Infrastructure Scheme hnuaia thawh tur a nih thu a tarlang a ni. Union Minister chuan ramchhunga kawngpui hrang hrang siam niin hmasawnna a thleng mek tih pawh sawiin, hmun kilkhawr leh tlawhpawhna mumal lo ah a mi cheng ten hmasawnna an neih ve theih nan theih-tawp an chhuah tih a sawi a, kawngpui hmasawnna chuan a mi chengte eizawnna hmuh theih nan leh danglamna a thlen dawn tih sawiin, zirna, sumdawnna leh hriselna kawngah leh khawsak phungah hmasawnna a thlen dawn tih a sawi a ni.