UPSC Grooming Scheme Entrance Examination nei

Mizoram-a a vawi hnihna atan nimin khan UPSC Grooming Scheme Entrance Examination chu Aizawl-a MBSE Conference Hall-ah Mizoram Board of School Education (MBSE)-in a buatsaih leh a. He Entrance Examination hi MBSE hnuaia HSLC 2026 exam-a mark 414 (full mark 500-ah) hmu chinte exam theih niin naupang 121 ten an hmachhawn a ni. He exam hi UPSC exam hrang hranga Mizo thalai tam zawk an tlin chhoh theih nana Mizoram sawrkar hmalakna a ni a. Personal Interview tura koh mi 50 zinga a titha zual mi 10 (sawm) thlanchhuahte chuan he scheme atana Mizoram sawrkar thawhpui Coaching Centre hnuaiah Higher Secondary School an kalchhung zawngin Coaching Class an kal chhunzawm ang. Nikum 2025-a he exam kaltlanga thlanchhuah, zirlai 10 (sawm)-te tan pawh Coaching Class hi kalpui mek a ni.