Tuizem tihfai tumna lamah mi pahnih in nunna chan
Thudawn danin nimin khan Champhai Tlangsam Dinthar Veng-a cheng F. Hrangmawii chuan an tui dahkhawlna hi tihfai tumin hlawhfa pahnih a ruai a, Tanky hi in chhin phuiin a hlawhfa rawih Vanlalpeka chu lutin nikhaw hre lo in a awm nghal a, hei hi hmuin a hnathawh pui tur Vannunmawia leh an bul lawka hna thawk tura chhuak Ramengmawia leh Lalhmingthanga te chu lut ve nghalin a lut hnuhnung ber Lalhming-thanga hian a luh rualin a chhak a mi te a ko a, a bulhnaia awm te hian rawn pui nghalin Ramengmawia leh Vannunmawia te hi nikhaw hre lo in an lo awm hman a, Lalhmingthanga erawh a lo la harh thung a. Vanlalpeka, Ramengmawia leh Vannunmawia te hi Damdawi In panpui nghal ni mah se Vanlalpeka (39) s/o Rolawma leh Rameng-mawia (33) h/o Lalinmawii-te hi chhan hman an ni ta lo a ni.
He tui dahkhawlna hi ft. 7 vela thuk niin ft. hnih leh a chanve (2½) vel tui ala awm niin helai hmuna awm te chuan an sawi a, chhanchhuah hna thawktute chuan tuizem chhungah hian boruak hip tur awm mumal lovin a rimchhe hle niin an sawi bawk. He vanduaina thlenga nunna chan mi pahnih te hi Vawiin ah vuiliam an ni ang.