Serchhip District tel ve rel

Ministry of Tribal Affairs, Govt. of India-in Dharti Aaba Janjatiya Gram Utkarsh Abhiyan (DAJGUA) hnuaia District-te tana project Proposal insiamsiak a buatsaih turah Serchhip District pawh tel tura inbuatsaih a ni a. Hemi chungchang ah hian Zirtawpni khan Serchhip DC Meeting Hall-ah District Bawrhsap Paul L. Khuma hovin Serchhip-a Agriculture & Allied Department hotute leh RD&AD Department hotute chu thukhawmin hmalak dan turte an sawiho a ni.
    Ministry of Tribal Affairs hian DAJGUA hnuaiah hian Tribal Community te tan hmasawnna turin heng ‘Thematic Area’ hrang hrang – Agro-based Livelihood Cluster; Non-Timber Forest Produce (NTFP) Value Chains, Livestock & Allied Activities; Skill-Based Micro Enterprises: Women-Led SHG Enterprise-ah te hian project insiamsiakna (monthly challenge) a buatsaih a. Heng ah te hian thla tinin project submit theih a ni dawn a, India rampum huapa Project tha Top 3 te chu thla tin thlanchhuah tur niin tanpuina (assistance) pawh pek an ni dawn bawk a ni.