Rate bituk sa hmangin lei dawn tih sawi

Agriculture Minister PC. Vanlalruata chuan Price Support Scheme hmangin kuthnathawktute Behliang, Chhawhchhi leh Nihawi chintir an ni tih sawiin, heng an thlai thar hi a rate bituk sa hmangin a lei tura ruat ten an lei dawn tih a sawi.

Assembly Session neih mekah South Tuipui Bialtu MLA, Jeje Lalpekhlua zawhna leh zawh belhna dang te chhangin Agriculture Minister PC. Vanlalruata chuan NABARD-RIDF leh SASCI hmangin kuthnathawktute tan sawrkar in nasa takin hma a la a, an theih ang zelin Link Road an laih bakah Link Road awmsa te PCC hmangin an siam a, an duh khawp sum an neih bik loh avangin hmalak vek erawh a harsa rih tih a sawi a. Dilna an hmuh te chu sum leh pai an neih dan mil zelin hma an la tih a sawi.

Agriculture Minister chuan sawrkar hmalakna in nikum atang khan kuthnathawktute Tung chin tir an nih thu pawh sawiin, kumin hian ram hectare 2838-a zau ah chhungkaw 3000 chuang in an ching a. Kuthnathawktute thlai thar hralh kawngah sawrkar in theihtawp a chhuah a, tunhnaiah Price Support Scheme hmangin hma an la mek a, he Scheme hmang hian Behliang, Chhawhchhi leh Nihawi chin tir an ni a, District Level-ah a ching duh tur an zawng a, a chi pawh a thlawn veka sem a nih thu sawiin, he Scheme hnuaia thlai thar Behliang mu ro tha chu kg. ah Rs. 48.50; Chhawhchhi kg-ah Rs. 103.46 leh Nihawichi kg-ah Rs. 83.43 in a lei tura ruat ten a thartute hnen atangin an lei tawp dawn tih a sawi a, Sawhthing lei dan nen chuan a inang dawn lo tih a sawi bawk.5/- in an laksak mek bawk a ni.