Serchhip by-pass Road thawmthat hna thawk mek
National Highway-02 Serchhip by-pass Road, Kikawn to Sailiamkawn hi August 22, 2026 atang khan kawng enkawltu KRAM Infracon Pvt. Ltd. te chuan a thawmthat hna thawkin he hna hi ni 7 chhungin a zualpui zo hman tura tih an ni a. Nimin khan LENKAWL chuan he kawng hi tlawhin kawng thawmthat hna thawh mek dinhmun an en a ni. Tun dinhmun ah Kikawn atanga Khaw-tetlang hnuai inkarah kawng siam ngai, lirthei tana zawh harsa deuh ala awm a, nimin-a he kawng tlawh a nih lai hian Khawtetlang hnuaiah lung-in kawng khuar hnawh hna hi thawh mek a ni a, a bak chu duhthusam-a kawng tha la ni lo mah se lirthei tana tlan harsa lutuk a awm tawh rih lo niin a lang a ni.
Nimin-a kawng dinhmun enfiah a nih lai hian hmun thum-ah hnathawktu an awm a, khawl pathum hmangin hna hi thawh mek a ni a, kawng enkawltute chuan nimin tlai lamah khan kawng khuar zualpui hnawh hi zawh hman an tum thu sawiin, Lung chang tha pawh khaw dang atanga an lak thu an sawi bawk a ni.