Progress Partner Loan rulhna tur sum pechhuak

Mizoram sawrkar-in mi taima leh tumruh, thiamna leh theihna nei ten eizawnna bul an tan theih nan leh an eizawnna an tih changtlung lehzual theih nana Bana Kaih Scheme hnuaia thlanchhuah Progress Partner-te Loan lak atanga a pung rulh let sak nan nimin khan Loan pechhuaktu Bank te hnenah Rs. 96,21,210 a pe chhuak a, hei hi Progress partner-te Loan pung a rulh sak tum hnihna a ni. Nimin-a Loan pung rulh sakna hi October 2025 leh March 2026 inkara Loan punna a ni a, Bana Kaih Scheme kalpuina tura Sawrkarin Bank a thawhpui State Bank of India (Dawrpui Branch), Mizoram Rural Bank (MINECO Branch) leh Mizoram Cooperative Apex Bank (Aizawl Branch)-ah te sum hi pekchhuah a, hemi bakah hian Annual Credit Gurantee Fee Rs. 14,01,762 a pechhuak nghal bawk.

Partner Bank pathumte hian Progress Partner-te Bank Account-ah loan punna an lo rulh tawhte hi August thla chhunga thun fel hman beisei a ni.