PACS hnenah Computer sem

Centrally Sponsored Project - Computerization of Primary Agricultural Credit Cooperative Societies (PACS) Phase-III hnuaia PACS Computerised tur 50-te hnenah nimin khan Computer semchhuah a ni a, hemi puala Registrar of Cooperative Societies Conference Hall-a hun hman chu Cooperation Department changtu Minister PC. Vanlalruata chuan a hmanpui a ni. Computerization of PACS Project hi Ministry of Cooperation hnuaia Centrally Sponsored Project kalpui mek a ni a. Phase-III ah hian PACS 50 computerise turin thlan an ni. He Project-ah hian National Level PACS Software Vendor (NLPSV) atan ‘Intellect Company’ thlan niin, an ni hian India ram pumpuia computerised PACS te hman tur ERP Software-te siamin, chu chu Mizoram-ah pawh hman a ni a. Tuna Hardware sem hmang hian ERP Software kaltlangin Computerised PACS-te hian hna an thawk tawh anga. Hemi hma hian Phase-I leh Phase-II hnuaiah PACS 49 te chu computerised an lo ni tawh a ni.