Oil Depot atan hma la zel

Supply Minister B. Lalchhanzova chuan Oil Depot nei turin Sawrkarin theihtawp a chhuah tih sawiin, Indian Oil Corporation Limited (IOCL) nen indawrna kalpui mek zel a nih thu a sawi. Assembly Fur thutkhawm zawh taka zawhna ziaka a chhanna ah Supply Minister B. Lalchhanzova chuan Oil Depot siamna tur hmun hrang hrangah zawn kual a ni tawh tih sawiin, a hautak avangin IOCL lamin thuthlukna an la siam thei lo tih a sawi a ni. Mizoram-ah Oil & Natural Gas Exploration beih chhunzawm tumna a awm tih pawh sawiin, Meidum ramah Natural Gas hlawk tham lakchhuah tur a awm leh awm loh enfiah mek a nih thu a sawi a. Meidum leh Hortoki inkar Chhimluang lui a Lei dawh chu zawhfel tawh a nih thu leh leiverh thuai anih theih nan sawrkar laipui-ah dilna thehluh mek a nih thu a sawi bawk.