MPSC Reform Committee din; MZP hnatlang a tawp

Mizo Zirlai Pawl (MZP) leh sawrkar aiawh te nimin-a an inbiak hnuah MZP chuan nimin tlai khan ‘MPSC Siamthat hnatlang’ an neih chu an titawp ta.
MZP in ‘MPSC Siamthat hnatlang’ an neih mekah hian nimin khan MPSC-a thawktute Pisa kai tur chu dan leh niin nimin khan Chief Secretary Conference Room-ah DP&AR Secretary Udit Prakash Rai kaihhruaina in MZP hruaitute, MPSC a harsatna tawk zirlai aiawhte leh MPSC thuneitute chu an inkawm a, DP&AR Secretary chuan MPSC Reform Committee din a nih tur thu sawi mah se MZP chuan MPSC Reform Committee dinna Order chhuah anih hma chuan MPSC Pisa kai tur dan zui zel an tum thu an sawi thung a ni.

Hetiang a nih lai hian nimin tlai khan Mizoram sawrkar chuan ‘Committee to review the recruitment framework and process for public recruitment in the Government of Mizoram’ chu a din a, hei vang hian MZP chuan ‘MPSC Siamthat hnatlang’ an neih chhoh mek chu an titawp zui ve ta nghal bawk a ni.