MLA hlui in ngaihdam dil

West Tuipui Bialtu MLA ni thin leh Minister pawh lo ni tawh Nihar Kanti Chakma chuan tunhnai khan Tlabung khua chu Chakma-te chenna khaw hlun ni thin anga a chhalna chu Media hrang hrangah a darh nasa hle a. Hemi chungchangah West Tuipui Bialtu MLA hlui chuan nimin khan Tlabung Branch YMA leh Mizo mipuite hnenah ngaihdam dilin, Media lama a thusawi darh chu Artificial Intelligence-in Chakma tawng-a a thu phuah, a sawi chhuah tum dan ni lo deuha a lehlinsak vanga thleng ta niin a sawi. Hetihlai hian Sub-Hqrs. YMA Lunglei chuan Chittagong Hill Tracts-a cheng hmasa berte chu Zofate an nih thu leh ram leh lui hming tam tak pawh Mizo hming vuah thin a nih thu thuchhuah siamin an tarlang bawk.