Mizoram State song atan 'Ro min rel sak ang che'

Nimin khan Chief Minister Lalduhoma kaihhruaiin CM Office Cabinet Room-ah Council of Minister chu an thukhawm a, ‘Mizoram State song’ atana Rokunga phuah 'Ro min rel sak ang che' tih hman an rel.
Nimin-a Council of Minister thukhawm hian sawrkar khawih thu pawimawh 24 pawmin, Private School-te kaihhnawih dan siamthatna tur ruahmanna an pawm a; hei hi 'Amendments on the Mizoram Education (Establishment & Management of Private Middle Schools, Private High Schools and Private Higher Secondary Schools) Rules, 2006' tih a ni a. Hei bakah hian Mizoram Electricity Regulatory Commission (MERC) Acting Chairperson ni mek Benjamin L Tlumtea chu MERC Chairperson pangngai atana lakluhna tur an pawm bawk.

Council of Minister thukhawmin an pawm zingah hian Ainawn Veng-a sawrkar rama State Bank of India tana hmunhma pekna tur te, Sawrkar Doctor-te tana Non-Practising Allowance (NPA) chungchanga ruahmanna thar hman te, New Pension Scheme hmangtute hamthatna atana Mizoram New Defined Contributory Pension Scheme, 2010 siamthat rawtna te, Directorate of Land Revenue & Settlement leh Directorate of Registration and Stamp-te Land Revenue & Settlement Department Director hnuaia awm tura chhunfin rawtna te a tel.

Heng bakah hian sawrkar Advertisement rate siamthat rawtna pawh pawmin The Mizoram Floodplain Zoning Bill, 2026 te; Draft Government of Mizoram (Allocation of Business) (Amendment) Rules, 2026 te; Proposal for amendment of Mizoram Legal Metrology (Enforcement) Rules, 2010 te; The draft Mizoram Micro, Small and Medium Enterprises (Facilitation & Promotion) Bill, 2026 te; Draft the Mizoram Industrial Area (Management, Regulation & Control) (Amendment) Bill, 2026 leh The Mizoram Land Survey and Settlement Operation Bill, 2026 te pawm a ni.