Mizo Handloom Conclave-ah nuai 130 man inhralh
Sawrkar laipuiin ‘National Handloom Day’ lawm tura State tinte a beisei angin Mizoram-ah pawh pawl hrang hrangin ‘National Handloom Day’ pual hian hun hmangin Mizoram sawrkar-a Commerce, Industries, Geology & Mining Department (CIG&M) pawhin August ni 7 atang khan ni 14 chhung awh ‘Mizo Handloom Conclave’ chu Millennium Centre Rooftop ah buatsaihin nimin khan khar a ni ta a. He Exhibition-ah hian Stall 60 buatsaih niin Mizoram hmun hrang hrang atangin puantahtu ten an thil siamchhuah an phochhuak a. Kum dang a tih ngai loh kuminah hian hnam bil pual stall pathum (3) buatsaih a ni a. Chakma, Lai leh Mara District Council atangte in hnam thil hrang hrang an phochhuak bawk a. Exhibition chhung, ni 14 chhung hian tlawhtu mi 75,000 awm anga chhinchhiah a ni a, hemi chhunga hralhchhuah zawng zawng zat chu Rs. 130,00,000/- bawr vel a ni.
Sawrkar laipuiin a ruahman angin kum 2015 atang khan kumtin August ni 7 hi ‘National Handloom Day’ a hman thin a ni a. Mizoram pawh kumin hian a vawi 12-na atan hmangin Commerce, Industries, Geology & Mining Department (CIG&M) in Mizo Handloom Conclave a buatsaih chu August ni 7, 2026 khan Minister F. Rodingliana chuan a hawng a ni.