Misual te chetvelna ah Joint VC ten hmalak an tum
Serchhip Joint VC hian thuchhuah siamin hun engemawti atang khan Serchhip Town huamchhungah sawrkar thil leh Vantlang thil tichhia a, hmanraw ruk ching, mimal thil ruk ching leh rim taka kuthnathawktute thar thlai rah leh Sangha chena ruk hmang misual an hluar em em tih sawiin, hetiang thil tha lo, ram leh khawtlang mai ni lo, kan Kristianna chena tihmualphona lo hluar ta chu pawi an tih thu leh zahthlak an tih thu an sawi a. “Heng misual te hian an thiltih tha lo an sim theihna tura hmalak chu Serchhip Town Joint VC chuan tih makmawh a ngaiin, theihtawp chhuaha hma lak a tum a ni,” an ti a. Misualte man chhuaka, an phu tawk hremna pek leh an thiltih tha lo an simna tura hma lakpui-ah thuneitute, Police, NGO zawng zawng leh mitin te an sawm thu leh an ngen thu an sawi bawk.