Lunglei West Bial-ah kalpui

Tunhnaia Post Graduate exam result chhuaka Lunglei West Bial chhunga titha (rank holder)-te chawimawina leh Tlanglian Academy nen tangkawpa Lunglei West Bial chhunga thalai hna zawnglai te tana Online Coaching Sponsorship kalpui tur hawnna chu Inrinni khan neih niin Lunglei West bialtu MLA T. Lalhlimpuia chuan a hmanpui a, Zirlai hlawhtlinna chang thar te chu a lawmpui thu sawiin, hna zawng mekte tana Online Coaching kalpui tura mi 20 tan dilna hawnah dilna 31 lai a lut chu lawmawm a tih thu leh hnawl bik nei lovin a dil hmasa 31 chu an zavaia lak an nih thu a sawi a. A pawimawh ber chu Pathian hriatna a nih angin, Pathian tihna nen zirna leh hna zawn chhunzawm zel turin thalaite chu a chah a ni.