Lengpui Airport-ah Thlawhtheihna lut leh chhuak bakah khualzin an pung

Lengpui Airport-ah Thlawhtheihna lut leh chhuak a pun zel rualin zinmi thlawk lut leh chhuak pawh an pung chho nasa hle.

Civil Aviation Wing atanga Akashvani News Aizawl thudawn danin nikum 2025 chhung khan Mizoram in Thlawhtheihna tumhmun a neihchhun Lengpui Airport-ah hian Thlawhtheihna 2,079 rawn thlawk lutin hetiang zat bawk hi a thlawk chhuak leh a, khualzin 2,22,519 rawn lutin mi 2,28,717 an thlawk chhuak thung a. Zinmi rawn lut leh chhuak zawng zawng hi mi 4,51,236 an tling a ni. Kumin-ah January leh June thla inkar (thla 6 chhung) khan Thlawhna lut leh chhuak 968 ve ve a awm a. Zinmi lut leh chhuak mi 2,11,204 an awm a. Zinmi rawn thlawk lut mi 1,05,786 an ni a, thlawk chhuak hi mi 1,05,418 an ni.

Hetianga Lengpui Airport a lut leh chhuak an tam chhoh tak na chhan hi Guwahati leh Kolkata a thlawk thin pangngai leh Delhi a tlang thlawhna thlawk bakah Delhi a thlawhna tlang thin tihpun a nih tak vang ni a thudawn a ni.