GST hnuah chhiah hmu tam

Mizoram sawrkar Commissioner of State Tax-a thawktute chuan GST hman hma kum 11 kalta aiin GST hman hnuah chhiah hmuh chu za zela 337.17 vel in a pung tih an sawi a, kum 2005 a Value Added Tax hman tan a nih atanga kum 2017 thlengin Taxation Department chuan chhiah chi hrang hrang VAT, Professions Tax, Entertainment leh à dangte atanga Chhiah lak zawng zawng chu cheng vbc. 1786 vel a nih thu an sawi a. Kum 2017-a GST hman a nih atangin GST baka Chhiah dang lak te nen 2017 atanga kum 2025 tawp thlengin chhiah lut zawng zawng chu cheng vbc. 7800 chuang a ni a. GST hman hma kum 11 aiin GST hman hnuah 337.17% vel in a pung tih an sawi a, GST chuan chhiah lak chung-chang ah danglamna a thlen nasa tih an sawi bawk. Commissioner of State Tax a hotute chuan mipuite chu chhiah petu dik tak an ni tih an hriat thar leh a pawimawh tih sawiin, ram in kawng hrang hrang a hma a sawn theihna turin sumdawng te pawh return-ah dik tak a chhunglut tur leh an thil hralh leh service pek ah Tax Invoice pechhuak zel turin an ngen bawk.