Forest ram inthuah sawiho

Mizoram Chief Secretary mawhphurhna la mektu leh EF&CC changtu Principal Secretary Sudhir Kumar IAS chuan Zirtawpni khan Kolasib a tlawh a, Forest ram inthuah chungchang a theih ang anga chinfel dan ngaihtuah ho tura Kolasib chu tlawh a nih thu sawiin, Special Investigation Team (SIT) hmalakna a thlirpui a, he hunah hian khaw 22 chu kum 1980 hnu lama din an ni a, khaw 4 chu kum 1980 hma lama din an ni tih tarlan niin, a vaiin khua 26 an ni a. Village Council 35 attnga report thehluh a la nih loh thu tarlan a ni bawk. Hemi hnu hian Ground Survey neih dan tur sawiho niin kawngpui kama ram humhalh (road-side reserve forest) huam chin tihchian dan tur pawh sawiho a ni a, MIRSAC leh Revenue pass te hmanga Geo-tagging tih tawh hmangin khaw pali (4) te dinhmun hi chinfel hmasak tur a ni ang.