Food Testing Laboratory atan thlithlai

Health Minister Lalrinpuii leh Commerce & Industries Minister F. Rodingliana chuan Inrinni zing khan Aizawl Mission Veng Market Building tlawhin Food Testing Laboratory puitling dinna atan a hmunhma a tha tawk em tih an thlir a. Mizoram-in Food Testing Laboratory a neih, Central Medical Store Building, Zemabawk a mi chu NABL Accreditation tura a tlin tawk loh avangin helai hmun hi thlithlai a ni a, tunkar hian FSSAI atangin endiktu turte an rawn kal dawn a ni.