Digital Learning Lab hawng

Mizoram-ah Mitdel te tana 'Digital Learning Lab' hmasa ber chu nimin khan Mizoram Special Blind School-ah hawn a ni. Saksham leh SBI Foundation tangkawpin 'SBIF CoE Samarthya Project' an kalpui hnuaiah he hmalakna hi kalpui niin he Digital Learning Lab hian Mitdel zirlaite tana 'assistive technology' leh digital hmanrua hrang hrangte chhawpchhuakin, Technology lama an thiamna tihhmasawn nan leh midang rinchhan lova mahni thua an zir theih nan nasa takin a pui dawn a, hei hi Mizoram-a mitdel te tana zirna kawng thar pawimawh tak leh hmasawnna lian tak tur a ni. He hmalakna hian mitdelte tana zirna huamzau leh inthliarhrannna awm lo siam kawngah hmasawnna thar a thlen dawn bawk a ni. He hunah hian zirlaite hnenah khawih hriat theih lehkhabu (tactile books) leh school bag-te sem nghal a ni.