Chief Minister in kawm
Chief Minister hian BRICS Entrepreneur Alliance India-a Global President & CEO Dr. Bhaskar Jyoti Sonowal kawmin Artificial Intelligence, Carbon Credit, Technology, Tourism, ram venhimna leh thalaite hmasawnna kawnga hmalak dun theihna te an sawi dun a. Hemi hnu hian Google for Education hotu Neeti Verma, Lead for Govt. and Strategic Agreements, India; Hemant Bhalla, Sales Lead, India; Sonia Mehra Agarwal, Digital Transformation Manager leh Satwik Misra, Public Policy Manager-te a kawm leh bawk a. Google Gemini AI leh Mizoram-a School Education Department thawhdun theih dan turte a sawipui a. Google hian School zirtirtute tan Artificial Intelligence training a thlawna pek an inhuam thu an sawi a ni.
Chief Minister hian India Today Group a National Head, Amit Mohan leh Vijay Sarowa, General Manager te kawmin Mizoram hmasawnna hrang hrang te leh Mizorama kan hnam thil te, kan nun ziate leh khualzin hip thei thil hrang hrangte India ram pum huapa media kaltlanga pholan theih dan tur kawng te a sawipui bawk a ni.